थारे म है इसी काईं बात थे म्हाने चोखा लागो सा
था सूं करनी है मनड़े री बात थे म्हाने चोखा लागो सा
चोखा लागो सा, संवारा चोखा लागो सा

दिन भर थारी बाट मैं जोहूं
राता म इक पल भी न सोऊं
म्हारा बस म नहीं हालात थे म्हाने चोखा लागो सा
थारे म है इसी काईं बात थे म्हाने चोखा लागो सा

राधा रूक्मणी संग थे आवो
म्हारी कुटिया रा भाग जगाओ
थासूं चाहूं इक मुलाकात थे म्हाने चोखा लागो सा
थारे म है इसी काईं बात थे म्हाने चोखा लागो सा

म्हारो हक थे म्हाने दे दो
बदल म म्हारी सांस थे ले लो
थासुं चाहूं जन्मा रो साथ थे म्हाने चोखा लागो सा
थारे म है इसी काईं बात थे म्हाने चोखा लागो सा

इब तो थारी एक न मानूं
हाथ छुड़ाओ तो मैं जानूं
थे डाल डाल मैं पात थे म्हाने चोखा लागो सा
थारे म है इसी काईं बात थे म्हाने चोखा लागो सा