थासूं नेह लगाय के, नैना टपके नीर,
थार दर्शन के बिना, हिवड़ो धरे ना धीर,
ओ जी श्याम थारी, ओलूंड़ी घणी आव, म्हारा श्याम,
ओ जी श्याम थारी, ओलूंड़ी घणी आव,
म्हारा श्याम, म्हारा श्याम जी ओ जी म्हारा श्याम.......

ना कुछ भी मैं मांगसूं, श्याम तू क्यूं सकुचाय,
राजी होकर देवरयो, माथे लेऊं लगाय,
ओ श्याम मैं तो दर्शन की प्यासी म्हारा श्याम,
ओ श्याम मैं तो दर्शन की प्यासी म्हारा श्याम,
म्हारा श्याम जी, ओ जी म्हारा श्याम.......

आशा निराशा के झूलने, झूल रही हूं श्याम,
तू ही बता मेरी भूल न, भूले क्यों न श्याम,
ओ श्याम म्हाने पलकां में, छुपा ल्यो म्हारा श्याम,
ओ श्याम म्हाने पलकां में, छुपा ल्यो म्हारा श्याम,
म्हारा श्याम जी, ओ जी म्हारा श्याम.......

एक बार तो सांवरा, सुपने में भी आय,
तड़प रही थारी टाबरी, मत ना जीव दुखाय,
ओ जी श्याम थां बिन हिवड़ो उचट्यो जावे म्हारा श्याम,
ओ जी श्याम थां बिन हिवड़ो उचट्यो जावे म्हारा श्याम,
म्हारा श्याम जी, ओ जी म्हारा श्याम.......