आयो फागण को त्यौहार,
नाचे ठुमक ठुमक दातार,
सागे नाचे श्याम को लीलो छम छम,
भागता की भरमार,
आयो रंगीलो फागणियो,
सजके बैठो हैं सांवरियो,
म्हारो लखदातार......

ज्यूँ फागण नींडे आवे म्हाने कुछ भी नहीं सुहावे,
आंख्या में नींदड़ली घुल घुल बाबा, पाछे ही उड़ जावे,
आयो रंगीलो फागणियो, सजके बैठो हैं सांवरियो,
म्हारो लखदातार.....

इत्तर की खुशबू भारी, खाटू का श्याम बिहारी,
तेरो रूप सलोनो देख सांवरो जाऊं मैं बलिहारी,
आयो रंगीलो फागणियो, सजके बैठो हैं सांवरियो,
म्हारो लखदातार.......

सेवक दूर दूर से आवे, फागण में रह नहीं पावे,
पाछा जाता मुड़ मुड़ देख थाने म्हारो मन घबरावे,
आयो रंगीलो फागणियो, सजके बैठो हैं सांवरियो,
म्हारो लखदातार.......

कोई रंग गुलाल उड़ावे, संग चंग धमाल मचावे,
माहि के संग होली खेल सांवरो, सांचो प्रेम लुटावे,
आयो रंगीलो फागणियो, सजके बैठो हैं सांवरियो,
म्हारो लखदातार.........