गिरी पर्वत ले उतरेgiri parvat le utre

गिरी पर्वत ले..उतरे महामाई मोर उतरे महामाई वो
मोहनी बरन सिरजाये हो माँ...

काकर सिरजे.. रईया हो रतनपुर वो रइया रतनपुर
काकर सिरजे मल हारे हो माँ..
काकर सिरजे नवखंड पिरथी वो नवखंड पिरथी
काकर सिरजे हिंगुलाजे हो माँ..
हो मोरे काकर सिरजे हिंगुलाजे हो माँ

रइया के सिरजे..रइया रतनपुर वो रइया रतनपुर
बेनी के सिरजे मल हारे हो माँ
लंगूर के सिरजे नवखंड पिरथी वो नवखंड पिरथी
माता के सिरजे हिंगुलाजे हो माँ
येहो मोरे माता के सिरजे, हिंगुलाजे हो माँ

कामा पोतावय दाई.. रइया रतनपुर वो रइया रतनपुर
कामा पोतावय हिंगुलाजे हो माँ
चंदन पोतावय दाई.. रइया रतनपुर वो रइया रतनपुर
बंदन पोतावय हिंगुलाजे हो माँ
येहो मोरे बंदन पोतावय,हिंगुलाजे हो माँ

कामा लीपावय दाई.. रइया रतनपुर वो रइया रतनपुर
कामा लीपावय हिंगुलाजे हो माँ
अंगना लीपावय दाई..रइया रतनपुर वो रइया रतनपुर
चौक लीपावय हिंगुलाजे हो माँ
येहो मोर चौक लिपावय, हिंगुलाजे हो माँ