दूरगा रईपुरहिन लागे न.. जागे हमर भाग जागे ना =2
चढ़ -सुग्घर के रितवा छागे, माता के मनला भागे,
अंगना म मेला लागे ना... जागे हमर भाग

जगजाननी जगतरण माता, जगके तही खेवइया वो
भव सागर के बिच भवर ले,नइया पार लगइया वो
छोटे माई बड़े माई शीतला लक्ष्मी,कतका नाव धराइया
चढ़ - जग मा तै छाहित होगे, घर घर में पूजीत होगे,
जस ह तोर जगमा छागे ना ...जागे हमर भाग

किसिम-2 के रिकिम रिकिम के,रूप बरन दरसाये वो
भल मंजा के छलके माता, देखत मन हरसाये वो
झलक देख मन फुलकन लागे, आसन दियो लगाये वो
चढ़ - सेउक तोर सेवा म आगे, आगे ले आगू आगे ॥
अंतस म तिहि समाये ना... जागे हमर भाग

तोर देवाला दुनिया आये,दरसन बर महामाया वो
दरसन करधन धन गोहराये, शीतला मोर महामाया वो
तैतिस कोती के देवता आये किंदर साज सजईया वो
चढ़- नारद धर वीणा आये, तोरे जयकारा लगाये,
जन जन म जस बगरागे ना... जागे हमर भाग