टेक - मोला लागे हे लगन वो तोर, मोर दुरगा हो माँ
चढ़ - तोर चरन के मोला दास बनाले, दास बनाले हो माँ

कोन जनी कइसे मोला, लागे तोर लगन वो
तोर सेवा म दाई, रहिथों मगन वो
चढ़ - विनती हे अतके मोरे शरण मा ओधाले,
शरन मा ओधाले हो माँ

करत रहिथों पूजा पाठ, जानव नई धरम वो
दिन रात तोरे सेवा, इही मोर करम वो
चढ़ - तोर सेउक के थोकन, सुध लमाले
सुध लमाले हो माँ

नई चाही काहीं मोला, चाही बस चरन तोर
अतका बस करदे दाई, कहावंव भगत तोर
चढ़ - तहूं भगती के गौतम, साध बुताले
साध बूताले हो माँ