आई जी होली हो जाओ त्यार महारा श्याम धनि सरकार,
हाथा में लेयो पिचकारी कई बैठा करो विचार,
इतर सुगंद उडावा बाबा रंग अबीर गुलाल .,
आई जी होली हो जाओ त्यार महारा श्याम धनि सरकार,

रंग रंगीलो छेलछबीलो फागणियो हरषायो रे
होली खेलन सांवरिया तेरी खाटू नगरी आयो रे,
झूमा नाचो चंग भजावा जम के करा धमाल.
इतर सुगंद उडावा बाबा रंग अभीर गुलाल,.
आई जी होली हो जाओ त्यार महारा श्याम धनि सरकार,

मोटा मोटा सेठ संवारा शरण तेरी आया,
तेरे नाम की मौजा बांटे तेरी छतर साया .
देखो थाने रंग ने खातिर उलझा संसार,
इतर सुगंद उडावा बाबा रंग अभीर गुलाल.
आई जी होली हो जाओ त्यार महारा श्याम धनि सरकार,

केसरियां रे केसरिया रे तेरो धाम होयो केसरियां,
श्याम रंग में रंगी उमा लेहरी को तू सांवरियां,
लेहरी नाइयाँ तेरे भरोसा थामो रे पतवार
इतर सुगंद उडावा बाबा रंग अभीर गुलाल
आई जी होली हो जाओ त्यार महारा श्याम धनि सरकार,