मेहंदीपुर के घाट घाट पे भगत डाल रहे डेरा
कोए नाचै कोए खुशी मनावै नाम रटै सै तेरा
बालाजी हो ………………………………

तेरे दर्शन की खातिर बाबा दूर दूर से आए
संकट नै हम खा राखे विपदा नै घणे सताए
तू दुनिया देख भवन मैं बडग्या
मैं कदका रुक्के देरा

संकट ऊपर मार पड़ै जब उठ उठ भाजै डर कै
इस संकट नै बाहर काढ़ दे ना पैन्डा छुट्टै मरकै
तेरे भवन के भीत्तर टलजा करड़ाई का फेरा

बलविंदर नै तेरे भवन पै नाड तले नै करली
तेरी भक्ति के कारण बाबा दुनिया पार उतरली
और तेरा भरोसा जिंदगी बाबा ख्याल राखियो मेरा