सारे जग में नाम कमायो रे मीरां मेड़तणी,
अपणो गिरधर लाल रिझायो रे मीरां मेड़तणी,

राणो मीरां ने समझावे क्यूं राठौड़ी आण गमावे,
जग में लाज हमारी जावे रे मीरां मेड़तणी ,
सारे जग में नाम …..

राणो विषको प्यालो भेज्यो कयो मीरांने दे दीजो
ओ तो विष रो दूध बणायो रे मीरां मेड़तणी
सारे जग में नाम …..

सन्मुख सर्प पिटारो आयो मीरां हँसकर गळे लगायो,
ओ तो नवसर हार बणायो रे मीरां मेड़तणी ,
सारे जग में नाम …..

राणो मीरां ने मारण आयो आंख्यां घोर अंधारो छायो ,
वो तो बार बार पछतायो रे मीरां मेड़तणी
सारे जग में नाम …..

जब होश में राणो आयो चरणां में शीश नवायो
वो तो फळ करणी रो पायो रे मीरां मेड़तणी
सारे जग में नाम

जिनके रक्षक देवकी नंदन दुनियाँ करती है उनको वंदन
वातो वास वैकुण्ठां पायो रे मीरां मेड़तणी
सारे जग में नाम