टाबरिया अरदास करे हैtabariya ardaas kare hai


टाबरिया अरदास करे है,
मत ना टारो जी,
आन संभालो जी सांवरा,
आन संभालो जी,
म्हारी नैया की पतवार श्याम,
थारे हाथ बचालो जी,
आन संभालो जी सांवरा,
आन संभालो जी.....

दूर खड्या चुपचाप सांवरा,
मत ना देख तमाशो,
था पर ही विश्वास है म्हाने,
थे ही लाज बचाश्यो,
विपदा भारी श्याम बिहारी,
विपदा भारी श्याम बिहारी,
पार निकालो जी,
आन संभालो जी सांवरा,
आन संभालो जी......

थारो ही आधार बच्यो है,
थारो एक सहारो,
जान पर मेरी गाज गिरी है,
सोचो नहीं विचारो,
था बिन नाथ अनाथ को बाबा,
था बिन नाथ अनाथ को बाबा,
कुण रखवालो जी,
आन संभालो जी सांवरा,
आन संभालो जी.....

आज भरोसा मेरे सागे,
सगला को बढ़ जासी,
मोरछड़ी हाथों में लेके,
सांवरियो जद आसी,
अंधेरो जीवन है ‘सचिन’ को,
अंधेरो जीवन है ‘सचिन’ को,
करो उजालो जी,
आन संभालो जी सांवरा,
आन संभालो जी.....

download bhajan lyrics (894 downloads)