भोले जी तनक सो काम हमारो,
मानु एहसान तुम्हारो,
हाँ हाँ रे शम्भू तनक सो काम हमारो,
मानु एहसान तुम्हारो॥

अरे सब अम्बर की चटक चुनरिया,
हमको नाथ मंगाए दियो,
जितने तारे होये गगन में,
चुनर में लगवा दियो,
अरे हस हस गोरा कहे नाथ से,
पल्ले पे धुरव को तारो, मानु एहसान तुम्हारो,
भोले जी तनक सो काम हमारो, मानु एहसान तुम्हारो,
अरे भोले छोटो सो काम हमारो, मानु एहसान तुम्हारो॥

अरे सब धरती को हरो घागरो,
हमको नाथ सिंवा दियो,
अगनि की तो अंगिया बनवाइयो,
पानी की तो गोत लगा दियो,
अरे हस हस गोरा कहे नाथ से,
अरे हस हस गोरा कहे नाथ से,
भोले शेष नाग को नाडो, मानु एहसान तुम्हारो,
अरे भोले छोटो सो काम हमारो, मानु एहसान तुम्हारो॥

ऊँची अटारी चन्दन किवाड़ी,
हमको नाथ बनवा दियो,
अरे धरती से तो अधर राखियो,
अम्बर से न लगा देयो,
अरे हस हस गोरा कहे नाथ से,
अरे हस हस गोरा कहे नाथ से,
भोले पेहरो लगे तुम्हारो, मानु एहसान तुम्हारो,
अरे भोले छोटो सो काम हमारो, मानु एहसान तुम्हारो,
अरे भोले छोटो सो काम हमारो, मानु एहसान तुम्हारो,
मानु एहसान तुम्हारो........