रमझम रैल चलाई रे जोगिया,
रमझम रैल चलाई,
उड़े आकाशा माई रे जोगिया,
उड़े पवन रे माहीं,
किया घरा में जाई रे जोगिया,
किया घरा में जाई,
रमझम रेल चलाई,
रमझम रैल चलाई रे जोगिया

थरुं टिकट कोई ना लेवे,
अध बिच उतर जाई,
रमझम रेल चलाई रे जोगिया,
रमझम रैल चलाई रे जोगिया

इण गाड़ी में चोर बिराजै,
सेठ साहूकार माहिं,
पाँच चोरा रो करो जाप्तो,
गाड़ी लूट ने ले जाई,
रमझम रेल चलाई रे जोगिया,
रमझम रैल चलाई रे जोगिया

हम हम करता हाकम चढ़ीया,
सत री फौज बणाई,
प्रेम पुलिसिया साथ में लीना,
इण गाड़ी रे माई,
रमझम रेल चलाई रे जोगिया,
रमझम रैल चलाई रे जोगिया

हद में गाड़ी करे हुकाटा,
बेहद गाड़ी आई,
दोय कर जोड़ प्रीत राम जी बोले,
सीधी लेण बताई,
रमझम रेल चलाई रे जोगिया,
रमझम रैल चलाई रे जोगिया