बाबोसा भक्तो रा दुखडा दूर करे

तर्ज - वो महाराणा प्रताप कठे

इन कलयुग में बाबोसा, भक्तो रा बेड़ा पार करे,
सांचे मन से जो सुमरे, श्री बाबोसा रो ध्यान धरे,
उन भक्ता रो उद्धार करे, इन कलयुग में बाबोसा,
इन कलयुग में बाबोसा, भक्तो रा बेड़ा पार करे,
दुखियो रा दुखड़ा दूर करे, अन्न धन रा भण्डार भरे,
भक्तो री नईया पार करे......

संकट मोचन बणकर के,
संकट सगला ही हर लेवे,
रिद्धि सिद्धि ओर सम्पति,
भक्ता ने भरपूर देवे,
अला बला सब टल जावे.... हो,
अला बला सब टल जावे, बाबोसा जद कृपा करें,
सांचे मन से जो सुमरे, श्री बाबोसा रो ध्यान धरे,
उन भक्ता रो उद्धार करे, इन कलयुग में बाबोसा.....

बिन मांगे ही सब दे देवे,
निर्धन ने कर दे मालामाल,
पतिव्रता ने पुत्र देवे,
बाबोसा म्हारा  दीनदयाल,
इण जीवन री रंगोली में... हो,
इन जीवन री रंगोली में , श्री बाबोसा ही रंग भरे,  
सांचे मन से जो सुमरे, श्री बाबोसा रो ध्यान धरे,
उन भक्ता रो उद्धार करे, इन कलयुग में बाबोसा.....

श्री बाबोसा रा इण जग में,
प्रत्यक्ष प्रमाण है बाईसा,
बाईसा जब आहवान करे,  
आवे है वठे श्री बाबोसा,
हो ...दिव्य स्वरूप में बाईसा... हो,
दिव्य स्वरूप में बाईसा, भक्ता रा पूरण काज करे ।।
सांचे मन से जो सुमरे, श्री बाबोसा रो ध्यान धरे,
उन भक्ता रो उद्धार करे, इन कलयुग में बाबोसा.....

श्री बाबोसा भगवान रा,
लाखो ही चमत्कार है,
दिलबर छगनी नंदन री,  
हो रही जय जयकार है,
रेणु सुरो री सरगम सु.... हो,
रेणु सुरो री सरगम सु, बाबोसा रो गुणगान करे,
सांचे मन से जो सुमरे, श्री बाबोसा रो ध्यान धरे,
उन भक्ता रो उद्धार करे, इन कलयुग में बाबोसा.....
             
श्रेणी
download bhajan lyrics (247 downloads)