भोले बाबा कहाँ मिलेंगे,
बतलावेगा कौन मन्ने,
ना तेरा मोबाइल नंबर,
कर लेता जो फ़ोन तन्ने.....

कोई कहे कैलाश पे बैठा,
संग में गौरा प्यारी सै,
अपने भक्ता ते मिलने की,
कर रया पूरी तैयारी सै,
टो टो के तन्ने हार लिया,
टो टो के तन्ने हार लिया,
तू क्यों कर रया परेशान मन्ने,
ना तेरा मोबाइल नंबर,
कर लेता जो फ़ोन तन्ने.....

कोई कहे सावन में भोले,
हरिद्वार में आवेगा,
अपने भक्ता से मिलने फिर,
नीलकंठ पे जावेगा,
मैं तो बैठ्या रह्या घने दिन,
मैं तो बैठ्या रह्या घने दिन,
क्यूँ ना दिखाई शान तन्ने,
ना तेरा मोबाइल नंबर,
कर लेता जो फ़ोन तन्ने.....

इब ते भोले दरश दिखा दे,
मन मेरा यो ढूंढ लिया,
मैं तो पहला ही दुखी भथेरा,
कुछ अपना ने लूट लिया,
इब तो तेरे नाम ज़िन्दगी,
इब तो तेरे नाम ज़िन्दगी,
कर दी भोलेनाथ मन्ने,
ना तेरा मोबाइल नंबर,
कर लेता जो फ़ोन तन्ने.....

भोले बाबा पता बतावे,
भक्तों पूरा ध्यान करो,
राजेश शर्मा मिलना हो तो,
भजन सुबह और शाम करो,
तेरे मन में वास है मेरा,
तेरे मन में वास है मेरा,
पड़ जा जो तन्ने काम तन्ने,
ना तेरा मोबाइल नंबर,
कर लेता जो फ़ोन तन्ने.....