रतना रे जा ल्या सुगना ने,
कदे न आई वा त्योहारा ने....

गांव न जाणु नाम न जाणु,
सुरत न जाणु सिरदारा री,
गांव पुंगलगढ नाम रतन सिंह,
सांवली सुरत सिरदारा री,
रतना रे जा ल्या सुगना ने,
कदे न आई वा त्योहारा ने....

घर मे घणा रे उटाऊ रतना,
कमी नही असवारा री,
दे विश्वास बेगो जासी,
ठा पडसी समाचारा री,
रतना रे जा ल्या सुगना ने,
कदे न आई वा त्योहारा ने....

नरमाई सु बात करिजे,
ध्यान राख हुंकारा री,
हुंडा कैसी तू रीस मत करीजे,
करसी रे बात गिवारा री,
रतना रे जा ल्या सुगना ने,
कदे न आई वा त्योहारा ने....

मत ना बदी उडाईजे रतना,
लाज है दो परीवारा री,
भीड पडे तो याद करीजे,
साई करा मे थारोडी,
रतना रे जा ल्या सुगना ने,
कदे न आई वा त्योहारा ने....

डाली हरजी भज्या रेअलख ने,
बात चले भवपारा री,
पन्नालाल प्रेमी गुण गावे,
बडी बात अवतारा री,
रतना रे जा ल्या सुगना ने,
कदे न आई वा त्योहारा ने....