गजानन म्हारे घर आओ, विनायक म्हारे घर आओ,
संग ल्याओ शुभ और लाभ गजानन रिद्ध-सिद्ध न ल्याओ.. गजानन म्हारे घर आओ...
थे आओ प्रभु आओ गजानन ब्रह्मा जी न ल्याओ, विनायक ब्रह्मा जी न ल्याओ,
वेदाँ क संग गायत्री माँ, वेदाँ क संग गायत्री माँ,  सरस्वती न ल्याओ ! गजानन म्हारे घर आओ..
थे आओ प्रभु आओ गजानन, विष्णु जी न ल्याओ, विनायक  विष्णु जी न ल्याओ,
कहियो चक्र सुदर्शन संग म लक्ष्मी जी न ल्याओ...गजानन म्हारे घर आओ
थे आओ प्रभु आओ गजानन शिव जी न ल्याओ, विनायक शिव जी न ल्याओ,
डमरू और त्रिशूल क सागे, गौरां न ल्याओ...गजानन म्हारे घर आओ...
थे आओ प्रभु आओ गजानन राम जी न संग ल्याओ, विनायक राम जी न संग ल्याओ,
कहियो सेवक हनुमत संग म, सीता जी न ल्याओ...गजानन म्हारे घर आओ...
थे आओ प्रभु आओ गजानन, श्याम जी संग ल्याओ, विनायक श्याम जी न संग ल्याओ,
कहियो मुरली क संग राधा-रुक्मण न ल्याओ...गजानन म्हारे घर आओ...
खीर, चूरमो, लाडू, माखन, गुड़, मोदक जीमो, गजानन गुड़, मोदक जीमो,
छाछ, दही, अमरस का प्याला भर-भर क पीवो...गजानन म्हारे घर आओ...
रिद्धि-सिद्धि, शुभ-लाभ संग प्रभु म्हारे घर आज्यो, गजानन म्हारे घर आज्यो...
"लक्ष्मी देवी" विनती करे देवा पाछा मत जाज्यो...गजानन म्हारे घर आओ...