खाटू वाले मनै जरुरत तेरी सै
सेठ सांवरे मनै जरुरत तेरी सै
कयातै बाबा आवण मैं करै देरी सै

तेरे तै मनै सेठ सांवरे सुनले काम जरुरी
आँख मीच कै बैठा कुछ भी समझे ना मजबूरी
साच कहु तेरी देखी बाट भतेरी सै

धन दौलत ना मांगू बाबा क्युँ इतना डर रया सै
अच्छी बात नहीं क्युँ इतना तंग मनै कर रया सै
सारी दुनिया हसी उड़ावै मेरी सै

तेरे आण तै श्याम धणी सब सिद्ध हो जागा काम मेरा
नीले पै चढ़ कै अजाइये कौन सा लागै दाम तेरा
कहवै भीम सैन इब आगै मर्जी तेरी सै